Dansk
Quppersagamut assersuut
Inuiaat Nipaat sulissutigaa 2010-mi januarip ingerlanerata quppersagatut saqqummertalernissaa.
Quppersagaq inuiaat nammineq aviisitut ingerlassavaat qaammammut ataasiarluni saqqummertarluni, allaaserisat assillu innuttaasuniit suliarineqartassallutik.
Inuiaat Nipaat innutaasut qinnuteqarfigerusuppai misilittakkatik eqqarsaatitillu allaaserissallugit, allaaserisarlu nassinneqaraangat assinik 2-3-ik malinnaasoqartarnissaa.
Quppersagaq qalipaateqartuussaaq GLOSS-itullu kvaliteteqarluni quppernernillu 62-nik amerlassuseqarnissaa anguniarneqartarumaarluni, apeqqutaatillugu qanoq amerlatigisut allaaserisat nassinneqarnersut.
Suli aalajangerneqanngilaq quppersagaq qanoq amerlatigisunik saqqummersinneqaqqaassanersoq, kisianni 1.200-niik 3.000-nut missaaniinnissaa ilimagineqarluni.
Sammisat aalajangersimasut allallu
Qulequtaqartassaaq saqqummersinermi ilaajuaannartussat, ukulu qulequttat pingaartinneqarnerujumaartarlutik: Politikki, aningaasat/suliffeqarfiit, inuuneq inooriaaserlu, atuarneq, timersorneq aammalu pinerluineq.
Qulequttat allaanerusut inissaqartinneqartuassapput, assersuutigalugu sammisat makkua allaaseriniarukkit:
”Tallimat ilimanartut… (ass.) Guutip ilumoorneranut & Tallimat ilimanartut… Guutip ilumuunnginneranut.”
Tunisassianik misileraaneq: (ass.) Arpaatit imal. Nanook CD imal. iPhone vs. Nokia
Qanoq… (ass.) pitsaanerpaamik averusersinnaaneq.
Oqaluttuaaraliaq: (ass.) oqaluttuaaqqamik nammineq eqqarsaatinniit imal. Ilumoortumik allaaserinninnissinnaavutit.
Pisarialinnut aningaasanik ikiuneq aallaaserinnittunullu eqqugassat
Inuiaat Nipaata quppersagaa aningaasanik sinneqartooraangat qaammammut ataasiarluni pisarialinnut ikiuiniaanermut tunisisarniarpoq, innuttaasullu nammineq qinersinikkut nittartagatsinni folkets.gl-mi aalajangersinnaajumaarlugu kikkunnut tunisisoqassanersoq.
Inuiaat Nipaanni aqutsisut sulissutiginiarpaat eqqugassaqartitsisarnissamut allaaserinnuttunut arlalinnut. Allaaserisaq pikkunaraangat eqquisarnissamut periarfissat pitsanngortarumaarput, kikkullu eqquissanersut aqutsisuniit innuttaasunillu aalajangerneqartarumaarluni.
Allaaserisat nassinneqartut ilaasa nittartakkami atorneqartarumaarput, kisianni allaaserisaq tamakkernagu, naaneqartillugu ”allaaserisaq tamaat atuartuk Inuiaat Nipaata Quppersaagaanni Januarip XX-iani.”
Ilaasortaanissaq
Allaaserisamik assinillu nassissiniaruit pisariaqartitaavoq folkets.gl-mi ilaasortaanissaq. Ilaasortanngorneq akeqanngilaq periarfissanillu ammaasarluni assersuutigalugu:
Nammineq profileqarneq facebook-ikkullu isersinnaaneq
Blog-imik allanneq
Ilaasortanik allanik kammattut qinnuteqarneq allaqateqarnerlu
Suna tamaat allatatut isummerfigalugu
Oqallinnermik aallartitsineq oqalliffimmi – il. il.
Uani ilaasortanngorit
Inuiaat Nipaata quppersagaa innuttaasut nammineq quppersagarissavaat, innuttaasuniit innuttaasunut. Inuiaat Nipaat innuttaasut nammineq tusagassiorfigaat, periarfissamik tunisisoq tusaaneqarnissannut sanioqqutsiinnarnat.
Allaaserisat assillu uunnga nassinneqartassapput: kontakt@folkets.gl
