Dansk
Vivi Vold isumaqarpoq Air Greenland-i unammillerneqassaguni peqqinnassasoq. ass.: Anders Vold
“Ooooh jearh! Unammillilaarneq ajoquteqanngilaq, ilaa??… Isumaqarpunga Air Greenland ullutsinni matusiortornerusut akitsuillutillu il. il. Ajoqaaq, aperissagumma-… Imaariaannaavormi timmisartunik angallassisartut allat takkuttut.. Air Greenland-ilu eqqarsartariaatertik ammarnerulerlugu? Kiammi ilisimassavaa? 
“ -Vivi Vold, Nuuk
Inuiaat Nipaat naatsumik facebook chat-ikkut apersuivoq:
Qanoq ilinnut isumaqarpa Norwegian Air Kalaallit Nunaannut angalasalernissaminnut eqqarsaateqarnera?
Uanga isumaqarpunga isumaq torrattoq – misigivunga ulluni kingullerni Air Greenland-imi nuanninngitsunik misigissutsinik angalaartoqartoq – minnerunngitsumik soraarsiortitsinermik pisoqarnera. Kisianni upperaara unammillerteqalerluassagunik iluaqutigissagaat aamma eqqarsartariaatsertik nutaanut saakkumaarsinnaagumaarlugit ajornartut anguneqarnissaata pinerullugit.
Minnerunngitsumik Norwegian Air-ip akit eqqartorneqarneranut – iluaqutaalluinnassaaq inunnut nalinginnaasumik Danmark-imut aallarsinnaanikuunngikkaluartunut pitsaanermik akissaqarlualernissaannut.
Suna peqqutaalluni Norwegian Air toqqarusussaviuk Air Greenland-imut naleqqiullugu?
Uanga nammineq inuttut akikinnerunissaa pingaartinneruara – kisianni aamma apeqqutaalluinnarpoq qanoq ilaasutut pineqartarneq – anaanaavunga meeraaqqanut marlunut, taamaalluni nuannaartorivallaarnavianngilara Island-imut meqqaartarnissaq akunnerni aqqaneq marlunni – kuffertinik nassataqarluni, meeraqqallu qasusut paarinissaa il. il.
Isumaqarpik Air Greenland-ip nunamut allamut timmisarneranut akii apparneqassasut unammillerneqassappata?
Ingerlaannaq apparneqarnissaasa upperivallaanngilara – immaqa saqqummersarneruniarsarilissavaat qanoq service-sigissaartiginerlutik allallu pitsaanerit timminermi malunnaqutaasartut.
Kisianni eqqarsartariaasaat pitsaanermut allanngoriarnissaa upperineruara – imaluunnit taamak eqqarsalernissaminnut pinngitsooratik atorfissaqalernissaannut.
Paasissutissat: Norwegian Air skandinaviami timmisartumik angallassinermi anginerni akikinnerpaajuvoq, eqqaarsaatigalugulu Københavnimiit Kangerlussuarmut imaluunniit Narsarsuarmut angallassisalernissartik, Air Greenland-imiit affarmik akikinnerusumik. (KNR-miit ilisimasat)
