Dansk
SMS
Oqaasilerisartoq Arnaq Grove qulequtaq sooq qallunaartoorneq kalaallisoornermiit allannermi atorneqarnerusarnersoq saqqummereeraa, Inuiaat Nipaat ilaasortatik apersorpai, sooq namminneq qallunaatut internitsikkut SMS’kkullu qaallunaatut allannerusarnersut.
Akissutit makkuunerusut tiguneqarput.
Oqaatsit atorneqarsinnaasut amerlanerugamik innuttaasuniillu amerlanernit paasineqarsinnaalluni. – Michael Platou.
Hehe qanoq amerlatigisut oqarasuaammik angallattagaqarpat kalaallisut oqaasilerisinnaasumik? –Mass Bergstrøm.
Angajoqqaatta qallunaatoornermik ilinniartikkusuttarpaatigut atuarnermi periarfissaqarluarniassagatta. Namminneq qallunaatornermut pinngitsaalisaallutik ilinniartinneqartarnikuupput, taamaammat uagut allatut periarfissippaatigut, pinngitsaalisaasutut misiginnginniassagatta. –Vibeke Huusum
Nalunannginnerummat. –Paninnguaq Sigurdsen.
Immaqa qallunaatut allannissaq nalunannginnerummat, pissutigalugu oqaatsii naannerummata. Ilimananngila?
-Lars Olsen Ulmer
Lars Olsen isumaqatigaara. Qallunaatut allanneq kalaallisuumiit nalunannginnerutippara.
-Paqu Nielsen, Narsaq
Qallunaatut allanneq atuarnerlu nalunannginneruvoq sukkanarnerullunilu. Kalaalerpassuaqarpoq kukkunatik allassinnaanngitsunik dialekti pissutigalugu oqaatsillu sumi oqaatigisami inississorneqarnissaa, taamaalilluni illoqarfimmiit suminngaanneerneq apeqqutaatillugu oqaatigineqartoq qanoq paasineqarnissaa allaasinnaasarpoq.
Qallunaatut oqalunneq assigiinngitsuunani ataasiuvoq, taamaattumik amerlanernik paasineqarnissaa ajornannginnerulluni.
-Karina Christensen, Odense
Qallunaatut allannissaq naannerullunilu atuaruminarnerummat. Inoqarpoq kalaallisut paasinnissinnaanngitsunik, taamaalilluta aalajangertarpugut qallunaatut oqalunnissaq inuit ilagisagut tamarmik oqallinnermi peqataasinnaaniassammata.
Affarmik qallunaat affarmillu kalaallit amerlatsikkiartorput. Kalaallisut paasisinnaagaluarlutik oqalunnissaanut ajornartitsisarput oqaatsit atorneqartussat agguakataarnissaalu nalorngigisaramikku. Qallunaatut oqalunnissartik aalajangertarpaat, pissutigalugu innuttaasut amerlanertaasa paasisinnaagamikku aammalu qallunaatoornermi paasinarnerusumik nassuiaanissamut periarfissaqartitsimmat. –Ellen Kristiansen
Aallakaatitassiaq “Qallunaatut imal. Tuluttut”, aamma takuguk.
Una naqiguk.
Lars-Peter said:
uanga isumaqarpunga maleruutiinnartartut immikkoorteriarlugit inuit naleqartitsisuusut qiviarnerusariaqarivut. Oqaatsivummi naleqartinneqartarput inunnit, ilaannili maleruutiinnartartut takussaasarput, taakkuuppullu inuit isumaqaratik maleruutiinnartartut. Assersuutitut eqqaalaarlara maleruutiinnarneq takussaammat atisat tungaatigut, nipilersuutinik nuannarisaqarnermi, inooriaaseqarnermi, tassa nuannaartorisarsorneq aamma iserfigineqarsinnaasut ilagivaat. Uggornarporli oqaatsivut inangeriartorneqarujoortut isiginnaaginnarneqarmata.
4. november, '09 kl. 14:55
Albrecht Lyberth said:
Oqaluttuarisaaneq qiviaraanni nunasiaatillit kikkulluunniit oqaatsitik pinngitsaaliillutik inussiaatiminnut atortinniarsarilersarpaat, – tamannalu ajoraluartumik nunatsinni ( aali nunatsinni ) suli atugaavoq. Danskeq kinaluunniit tikilissaaq naalagarsuartut inissereerluni, peqqutigiinnarlugu nammineq kalaallisut oqalussinnaannginnami, perorsagaareeramilu kalaallinik nikaginnissalluni. Nunanulli allanut ( nunatsinnuunngitsoq ) piguni maniguulluni nunap tikiffigisami oqaasii ataqqillugit oqalunniapaarsulereertarpoq, – inuigooq ataqqigamigit. Ajoraluartumillu danskeqarpoq inuunertik tamapajaat kalaallit oqaasiinik atuiumanngitsunik, – qallunaaqatiminniit ammut isigineqaleqigamik.
17. november, '09 kl. 06:23